Valdres Folkemuseum

Valdres Folkemuseum vart grunnlagt i 1901 og er eit av dei største friluftsmusea i landet, med 97 hus innafor skigarden.
Museet ligg vakkert til på Storøya ved Fagernes.

I sommarsesongen er det daglege omvisingar på fleire språk, og i høgsesongen er det tilbod om folkemusikk- og folkedansprogram i Rognebygningen. Her får ein møte unge musikarar og dansarar, høyre instrumenta langeleik og hardingfele, og sjå hallingdans og springar frå Valdres. Valdres Folkemuseum er arena for fleire store arrangement, som Jørn Hilme-stemne og LIV-dagane.

Dyr på beite

Ingen sommar utan dyr på beite! På stølen på Valdres Folkemuseum beitar no gamle norske storferasar side om side med spælsau frå Tisleidalen. I gamle Kviistunet kan oppleva grisar, kaninar og høner – som vekslar mellom og slikke sol og å gøyme seg for regnet.

Naturstigen på museet er 1,7 kilometer lang. Denne er fornya i 2011 i samarbeid med skogeigarane i Valdres. På museumsplassen er det leikeplass for borna. Her finn du huske, sandkasse, balansestokk og stylter.

Nytt velkomstbygg

I 2010 opna nytt Velkomstbygg for Valdresmusea, teikna av Lund Hagem Arkitekter AS. Her finn du butikk, museumskafé og flotte utstillingar.

Museumsbutikken er open tysdag til fredag 10:00-15:00. Her finn du norske husflidsprodukt, GreenGate, Ugly Childrens Clothing, Snella & Petronella, silketørkle, bøker, tregjenstandar, musikk, treak, brente mandlar, glaskunst, leiker for barn, sylv og tinn. I butikklokala er det fine lesepultar og blaeksemplar av tidsskrifta Folkemusikk og Bunad.

Utstillingar

*Lomen-madonnaen og stolpar og plankar frå Fystro og Øde stavkyrkje

*Trøbilutstillingen “Småfolk i farta”

*Menighetssøstrenes drakter gjennom 100 år

*Folkekunst: skåp, tiner, instrument og tekstil

*Hattar frå Aslaug Heggelunds mote- og manufakturforretning

*Bunadar og folkedrakter

Kafeen på museet har ope tysdag- fredag og sundag klokka 11.00–16.00. Her kan du kose deg med nysteikte vaflar og herlege lunsjrettar.

Opningstider:

Høgsesong: 25. juni – 5. august dagleg 10.00–17.00 Mellomsesong: 9.-24. juni og 6.-26. august dagleg 10.00–16.00 Året elles: tys–fre 10.00–15.00

Enkeltbillettar, sommarsesong

Vaksne Kr 90,-